TNG 有新招　搭的士用电子钱包找数TNG 有新招　搭的士用

最近 TNG 出新招，今次唔止喺 759 阿信屋买嘢或者畀煤气费，而係搭的士。TNG 方面宣布同本地两家的士车行合作，即日起推出用 App 缴付的士车费服务。

两家车行合作车行分别为新兴车行及顺安车行，加埋共有 2,000 辆的士，乘客需要先入钱到 TNG 钱包，到达目的地后，扫描的士司机椅背后的 QR Code，再输入车费及个人交易密码便能完成交易。车费会直接转帐到司机的银行户口，最迟于第二日过数，唔使经现金交易，有 App 就得，方便啲咁话。

不过，全港共有超过 18,000 架的士，而今次合作车行加埋有  2,000 架的士，可以使用 TNG 俾钱，都未必每次都俾你搭得到；现阶段 TNG 为吸引司机加盟，成功登记嘅司机可获 $100，稍后亦会有乘客优惠，但咩优惠就冇讲。